हेल्थ टिभी अनलाइन : पहिरोमा परी एम्बुलेन्स बीच बाटोमै रोकिंदा दुई जना बिरामीको मृत्यु भएको छ।

यसरी मृत्यु हुनेहरुमा सिन्धुलीको कमलामाई नगरपालिका ४ घर भएकी ९४ वर्षीया टीकाकुमारी भुजेल र महोत्तरीको बर्दिवास नगरपालिका ८ का ४५ वर्षीय मानबहादुर सिंजाली रहेको सिन्धुलीका एसपी गोविन्दराज काफ्लेले जनाएका छन्।

उनका अनुसार उनीहरू शुक्रबारदेखि नै सिन्धुलीको सुनकोशी गाउँपालिका १ दुम्जास्थित टुपी डाँडा भन्ने ठाउँमा एम्बुलेन्समा अड्किएका थिए। बिरामीलाई उपचारका लागि एम्बुलेन्समा राखेर काठमाडौं ल्याइँदै थियो । तर उनीहरु पहिरोका कारण काठमाडौं समयमै आउन नसक्दा बाटोमै मृत्यु भएको हो ।

बिहिबारदेखि अविरल परेको पानीका कारण काठमाडौं लगायत धेरै स्थानमा धनजनको ठूलो क्षति भएको छ भने बाटो पूर्ण रुपमा अवरुद्ध भएका छन्। जसले गर्दा ठूलो संख्यामा यात्रुहरु बाटोमै अलपत्र परेका छन्।