१३ साउन २०८१ , आइतवार

काठमाडौंमै भेटिए हैजाका तीन जना बिरामी

हेल्थ टिभी अनलाइन : काठमाडौंमा तीन जनामा हैजा संक्रमण पुष्टि भएको छ । जनस्वास्थ्य कार्यालय काठमाडौंका अनुसार कालिमाटी क्षेत्रका तीनजनामा हैजा पुष्टि भएको हो ।

उनीहरुको टेकुस्थित शुक्रराज ट्रपिकल तथा सरुवा रोग अस्पतालमा उपचार भइरहेको जनस्वास्थ्य कार्यालय काठमाडौंका प्रमुख डा अर्जुन सापकोटाले जानकारी दिए । यसअघि ललितपुर र कैलालीमा केही दिन अघि हैजा पुष्टि भएको थियो । हैजा फोहोर तथा दूषित पानी तथा खानाबाट लाग्ने गर्छ । हैजाका लक्षणहरुमा पातलो दिसा हुने, वान्ता हुने, कमजोर महसुुस हुने, पिसाबमा कमी आउने, आँखा गाडिने, ओठमुख सुख्खा हुने र बेशोस हुने हुन्छ ।

समयमै उपचार नपाएमा यसले मृत्यु समेत गराउँछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।