हेल्थ टिभी अनलाइन : एन्टीमाइक्रोबियल रेसिस्टेन्स एएमआर बारे जनचेतना जगाउन मिडियाको भूमिका महत्वपूर्ण हुने बताइएको छ ।

एएमआर मिडिया टुलकिट सार्वजनिक कार्यक्रममा सीएनएसकी म्यानेजिङ एडिटर तथा ग्लोबल एएमआर मिडिया अलायन्सकी संयोजक शोभा शुक्लाले एएमआरबारे जनचेतना जगाउन मिडियालाई पनि सहभागी गराउन आवश्यक रहेको बताइकी छिन् । उनले एएमआर एक जना व्यक्ति वा समूहको मात्र समस्या नभएर यो सबैको साझा समस्या र चुनौती भएकाले सबैको हातेमालोबाट मात्र यसलाई सामना गर्न सकिने बताइन । त्यसका लागि आम नागरिकमा जनचेतना जगाएर औषधिको जथाभावी र आफूखुशी प्रयोग नगर्न ठूलो भूमिका मिडियाले खेल्न सक्ने बताइन ।

फुड एण्ड एग्रिकल्चर अर्गनाइजेसन अफ द युनाइटेड नेसन, विश्व स्वास्थ्य संगठन, युनाइटेड नेसन इन्भारामेन्ट प्रोग्राम र वल्र्ड हेल्थ अर्गनाइजेशन फर एनिमल हेल्थले कार्यक्रममको आयोजना गरेका हुन् । कार्यक्रममा वल्र्ड हेल्थ अर्गनाइजेशनकी एएमआर टेक्निकल एडभाइजर मिमि मेलिस ब्रेवेरले मिडिया टुलकिट सञ्चारकर्मीका लागि निकै उपयोगी हुने बताइन । उनले अंग्रेजीमा मात्र रहेको टुलकिट आगामी दिनमा विभिन्न भाषामा प्रकाशित गर्ने समेत जनाइन ।

यसैगरी डा फिलिप म्याथुले एएमआरबारे जानकारी बढी दिनका लागि मिडिया नै सबैभन्दा उपयोगी माध्यम भएकाले उनीहरुले पनि बुझ्ने गरी टुलकिट बनाइएको र यसले सही सूचना सम्प्रेषण गर्न सजिलो हुने जिकीर गरे । यसैगरी सञ्चारकर्मी मिसबा खानले मिडियासँग धेरै विषयवस्तु छाप्नका लागि र प्रकाशन गर्नका लागि भए पनि अब एएमआर पनि एउटा महन्वपूर्ण विषय हो भनेर प्राथमिकतका साथ छाप्ने बेला भएको बताए । उनले मिडियाले आज छापेका विषयवस्तु भोलिका लागि ऐतिहासिक दस्तावेज बन्ने पनि उनले जिकीर गरे । यूएन इन्भारामेन्ट प्रोग्रामकी डिजिटल स्ट्राटेजी चिफ न्यान्सीले मिडियाको इन्गेजम्न्ट एएमआर सचेतना जगाउन महत्वपूर्ण हुने भन्दै उनीहरुलाई सँगसँगै लाने मात्र नभएर यसबारे अझ बढी ज्ञान दिन पनि जरुरी रहेको बताइन ।