हेल्थ टिभी अनलाइन : डडेल्धुरा अस्पतालका चिकित्सकहरुले आफूहरुले प्रोत्साहन भत्ता नपाएको भन्दै आन्दोलन गर्ने चेतावनी दिएका छन् । उनीहरुले २४ घण्टाभित्र प्रोत्साहन भत्ता उपलब्ध नगराए सेवा दिन नसक्ने भन्दै आन्दोलनको चेतावनी दिएका हुन् ।

बुधबार अस्पताल प्रमुखलाई पत्र लेख्दैं २५ जना चिकित्सकहरुले पहिले पहिले उपलब्ध गराइँदैं आएको प्रोत्साहन भत्ता आर्थिक वर्ष सकिन लाग्दा समेत उपलब्ध नगराएको गुनासो गरेका छन् । चिकित्सकहरुले २४ घण्टाभित्र माग सम्बोधन नभए अस्पतालको आकस्मिकबाहेकका सबै सेवा अवरुद्ध गर्ने चेतावनी समेत दिएका छन् ।

उनीहरुले आर्थिक वर्ष २०८०र८१ मा नेपाल सरकारले नै प्रोत्साहन भत्ताको बजेट छुट्याएको भएपनि एक वर्षदेखि आफूहरुले उक्त भत्ता नपाएका बताएका छन् । चिकित्सकहरुले यसले आफूहरुको मनोबलमा ठूलो असर परेको समेत बताएका छन् । चिकित्सकहरुले पत्रको बोधार्थ डडेल्धुरा अस्पताल विकास समिति, जिल्ला प्रशासन कार्यालय डडेल्धुरा, स्वास्थ्य सेवा विभाग टेकु, स्वास्थ्य तथा जनसंख्या मन्त्रालय काठमाडौंलाई पठाएका छन्