१९ जेष्ठ २०८१ , शनिबार

सातौं वार्षिकोत्सवको अवसरमा नेपाल क्यान्सर अस्पतालको वाकाथन

हेल्थ टिभी अनलाइन : ललितपुरको हरिसिद्धिमा रहेको नेपाल क्यान्सर अस्पताल तथा रिसर्च सेन्टरले आफनो सातौं वार्षिकोत्सवको अवसर पारेर वाकाथन कार्यक्रम गरेको छ ।

शनिबार बिहान क्यान्सर सचेतनासम्बन्धी विभिन्न प्लेकार्ड बोकेर चिकित्सक, कर्मचारी तथा क्यान्सर सर्भाइभरहरु ललितपुरको लगनखेल पुल्चोक हुँदै जावलाखेलसम्म वाकाथन पदयात्रा गरेका थिए ।

यसैगरी सो क्रममा नेपालीको क्यान्सर उपचार नेपालमै, समयमै उपचार गरे क्यान्सर निको हुन्छ भन्ने सन्देश दिंदै अस्पतालका चिकित्सक, कर्मचारी तथा सर्भाइभरले नृत्यसमेत प्रस्तुत गरेका थिए ।

अस्पतालले हरेक वर्ष वार्षिकोत्सवको अवसरमा साताभर नै विभिन्न खालका कार्यक्रम गर्दै आएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।