हेल्थ टिभी अनलाइन : नेपाल क्यान्सर अस्पताल तथा रिसर्च सेन्टरमा ४७ औं क्यान्सर सर्भाइभर मिट सम्पन्न भएको छ ।

क्यान्सरबाट मृत्यु भएका रुजेन पासाछेनको स्मृतिमा उनको जन्मदिन पारेर यो सर्भाइभर मिटको आयोजना गरिएको हो । कार्यक्रममा आयोजक संस्था नेपाल क्यान्सर सपोर्ट ग्रुपकी उपाध्यक्ष स्वरुपा श्रेष्ठले क्यान्सर लाग्दैमा आत्तिन नहुने भन्दै समयमै उपचार र बिरामीलाई सबैको साथका्े आवश्यकता हुने बताइन । यसैगरी अस्पतालका अध्यक्ष डा सुदिप श्रेष्ठले क्यान्सरको समयमै उपचारमा जोड दिएका थिए ।

कार्यक्रममा रुजेनका दाईले आफनो भाइलाई सम्झँदै अस्पतालले गरेको सहयोगका लागि धन्यवाद दिए ।

क्यान्सरको उपचारमा रहेका एक जना बिरामीकी आमा जमुना महर्जनलाई उपचारका लागि सहयोगी हातहरुको तर्फबाट छाेराकाे उपचारका लागि  रुजेनका  परिवारले २५ हजार रुपैयाँ सहयोग गरेकाे  थियो । उक्त रकम उपचारका लागि सहयोगी हातहरुकी अध्यक्ष स्वरुपा श्रेष्ठले हस्तान्तरण गरेकी थिइन ।

यसैगरी रुजेनको परिवारले क्यान्सरको उपचारमा रहेका शान्तलाल श्रेष्ठलाई पनि १० हजार रुपैयाँ सहयोग गरेको थियो ।