८ जेष्ठ २०८१ , मङ्लबार

नेपाल क्यान्सर अस्पतालको वार्षिकोत्सवमा रक्तदान, वाकाथन तथा नि:शुल्क ओपीडी सेवा

हेल्थ टिभी अनलाइन : ललितपुरस्थित नेपाल क्यान्सर अस्पताल तथा रिसर्च सेन्टरले आफनो सातौं वार्षिकोत्सव २० जेठमा विविध कार्यक्रम गरी मनाउँदै छ ।

अस्पतालले आफ्नो वार्षिकोत्सवको अवसर पारेर रक्तदान कार्यक्रम, नि: शुल्क ओपीडी सेवा, वाकाथन तथा कल्चरल कार्यक्रमको आयोजना गर्ने भएको हो ।

अस्पतालका अनुसार, ११ जेठ शुक्रबार दिउँसो १२ बजे कल्चरल कार्यक्रम, जेठ १८ मा शुक्रबार बिहान ९ देखि दिउँसो ३ बजेसम्म नि शुल्क ओपीडी जाँच र सोही दिन बिहान ९ ३० देखि दिउँसो १ ०० बजेसम्म रक्तदान कार्यक्रम आयोजना गरिने भएको छ ।

यसैगरी १९ जेठ शनिबार बिहान ७ बजेदेखि ९ बजेसम्म वाकाथन कार्यक्रम आयोजना गरिने अस्पतालले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।