२ जेष्ठ २०८१ , बुधबार

लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त

हेल्थ टिभी अनलाइन : लुम्बिनी प्रदेशको स्वास्थ्य सचिवको जिम्मेवारी डा बासुदेव उपाध्यायले पाएका छन् ।

संघीय मामिला तथा सामान्य प्रशासन मन्त्रालयको प्रस्तावमा गत २७ बैशाखमा बसेको मन्त्रिपरिषद् बैठकले उपाध्यायलाई लुम्बिनी प्रदेशको स्वास्थ्य सचिवको जिम्मेवारी दिएको हो । उपाध्याय लामो समय देखि आयुर्वेद तथा बैकल्पिक चिकित्सा विभागमा महानिर्देशक पदमा कार्यरत थिए । लुम्बिनीका यसअघिका स्वास्थ्य सचिव डा जनार्दन पन्थीलाई मन्त्रालयमा बोलाइएको छ ।

यसैगरी कोशी प्रदेशको स्वास्थ्य सचिवमा राधिका थपलियालाई पठाइएको छ । यसअघिकी स्वास्थ्य सचिप डा सुधा देवकोटालाई मन्त्रालय बोलाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।