स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
हेल्थ टिभी अनलाइन : स्वास्थ्य तथा जनसंख्या मन्त्रालयले सरकारी अस्पताल तथा प्रतिष्ठानमा काम गर्ने डाक्टर, स्वास्थ्यकर्मी तथा कर्मचारीले कार्यालय समयमै निजी अस्पतालमा बिरामी जाँच गर्ने र सो संस्थाको विज्ञापन समेत गरेको पाइएको भन्दै आपत्ति जनाएको छ ।
मन्त्रालयका सचिव मधु सुदन बुर्लाकोटीले आज एक विज्ञप्ति जारी गर्दै सरकारी अस्पताल, प्रतिष्ठान, केन्द्रमा कार्यरत डाक्टर, स्वास्थ्यकर्मी तथा कर्मचारीले कार्यालय समयमै निजी अस्पताल तथा क्लिनिकमा बिरामी जाँच गर्ने गरेको पाइएमा र सोबारेमा विज्ञापन गरेको पाइएमा कडा कारवाही गर्ने जनाएका छन् । विज्ञप्तिमा सरकारी अस्पतालमा कार्यरत डाक्टर, स्वास्थ्यकर्मी तथा कर्मचारीले कार्यालय समयमै निजीमा काम गर्ने मात्र नभएर सोकोबारेमा विज्ञापन गरी विभिन्न सञ्चारमाध्यममा प्रकाशन प्रसारण समेत गरेको व्यापक गुनासो आएको र त्यसमा मन्त्रालयको ध्यानाकर्षण भएको उल्लेख छ ।
उनले जारी गरेको विज्ञिप्तमा भनिएको छ, ‘आगामी दिनमा सरकारी डाक्टर, स्वास्थ्यकर्मी तथा कर्मचारीले यस्तो गरेको पाइएमा नेपाल स्वास्थ्य सेवा ऐन २०५३ , नेपाल स्वास्थ्य नियमावली २०५५ तथा सेवा सञ्चालन सम्बन्धी प्रचलित कानुन बमोजिम कारवाही गरिने छ ।’
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै