१९ चैत्र २०८० , सोमवार

आगलागीका कारण क्यान्सर अस्पतालको सिटी स्क्यान, भिडियो एक्सरे लगायतका सेवा अवरुद्ध

हेल्थ टिभी अनलाइन : आइतबार भएको आगलागीका कारण बाँकेको खजुरामा रहेको सुशील कोइराला प्रखर क्यान्सर अस्पतालको सिटी स्क्यान, भिडियो एक्सरे, ब्राकाथेरापी, एक्सरे लगायतका सेवा अवरुद्ध भएको छ ।

अस्पतालका कार्यकारी निर्देशक डा प्रकाश प्रसाद शाहले आज एक सूचना जारी गर्दै आइतबार रेडियोलोजी विभागमा आगलागी भएर क्षति भएका कारण केही समयका लागि यी सेवा अवरुद्ध हुन पुगेको जनाएका छन् ।

अस्पतालमा आइतबार साँझ एक्कासी रेडियोलोजी विभाग भएको भवनमा आगलागी भएको थियो । जसले गर्दा सिटी स्क्यान, भिडियो एक्सरे लगायतका मेशिनमा ठूलो क्षति पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।