हेल्थ टिभी अनलाइन : सरकारी सेवामा आवद्ध नर्सहरुको संस्था गर्भमेन्ट नर्सेस एशोसिएशन अफ नेपाल (गोनान) ले आफनो संस्थाको तेस्रो स्थापना दिवस मनाएको छ ।

आइतबार वीर अस्पतालमा एक कार्यक्रमको आयोजना गरी ‘गुणस्तरीय नर्सिङ सेवा प्रदान गर्न अनुकुल वातावरण’ भन्ने नाराका साथ स्थापना दिवस मनाइएको हो । कार्यक्रममा सरकारी नर्सहरुले सरुवा बढुवा लगायतका विषयमा धेरै नै समस्याहरु भोग्नु परेको गुनासो नर्सहरुले गरेका थिए ।

यसैगरी चिकित्सा विज्ञान राष्ट्रिय प्रतिष्ठान न्याम्सका उपकुलपति डा भुपेन्द्र कुमार बस्नेतले नर्सहरुलाई पनि विशिष्टीकृत पढाईहरु आवश्यक भएको र त्यसतर्फ उनीहरुलाई अब विशेषज्ञ नर्स बनाउनतर्फ लाग्नुपर्ने बताएका थिए ।