इटहरीमा अटिजम सम्बन्धी सहजीकरण तालिम
हेल्थ टिभी अनलाइन : सुनसरीको इटहरीमा अटिजम भएका बालबालिकाका अभिभावक तथा शिक्षकका लागी सहजीकरण तालिम सम्पन्न भएको छ ।
अटिजमबारे जनचेतना जगाउन तथा समस्याको समाधान खोज्न इटहरी उपमहानगरपालिकाको आयोजना तथा सेतो गुराँस नमुना बालबाटिका आधारभुत विद्यालयको संयोजनमा वडा नं ६ को दुर्गा पार्टी प्यालेसमा यही चैत २ र ३ गते कार्यक्रमको आयोजना गरिएको हो । उक्त कार्यक्रमको उदघाटन उपमहानगरकी शिक्षा, युवा तथा खेलकुद महाशाखाका प्रतिनिधी उमा दाहालले गरेकी थिइन ।
दुई दिने तालिममा झापा, मोरङ, सुनसरी, सप्तरी, सिराहाका ११० जना भन्दा बढी अटिजम भएका बालबालिकाका अभिभावकको उपस्थिती रहेको थियो । उक्त तालिममा विश्वव्यापी समस्या बन्दै गएको अटिजमलाई कसरी सहज बनाउने, कसरी शिक्षण सुधार गर्ने, के कस्ता थेरापीहरु गराउने भन्ने विषयमा नियो चाइल्ड क्लिनिक भक्तपुरका प्रशिक्षकद्धय समिद कतिला श्रेष्ठ र अंकित भट्टराइले प्रयोगात्मक प्रस्तुती दिएका थिए ।
उक्त कार्यक्रममा इटहरी उपमहानगरका वडा न. ९ का वडाध्यक्ष जितेन्द्र थापाले अटिजम सम्बन्धी समस्या भएका बालबालिकालाई आवश्यक सहयोग गर्ने, थेरापी कक्षाहरु सन्चालन गर्ने, नियमित तालिम गराउने प्रतिवद्धता व्यक्त गरे ।
दीर्घ जीवनका लागि रिस त्याग्नुहोस्, शान्त रहनुहोस
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?