क्षयरोगसम्बन्धी क्षेत्रीय सम्मेलन काठमाडौंमा
हेल्थ टिभी अनलाइन : क्षयरोगसम्बन्धी दक्षिण एशियाली क्षेत्रीय सम्मेलन काठमाडौंमा सम्पन्न भएको छ । मेडिसिन्स सान्स फ्रन्टायर्स डक्टर्स विथआउट बोडर्स नामक संस्थाले राष्ट्रिय क्षयरोग नियन्त्रण केन्द्र नेपालसँगको सहकार्यक्रमा उक्त कार्यक्रमको आयोजना गरेको हो । कार्यक्रममा भारत, बंगलादेश, पाकिस्तान लगायतका सार्क क्षेत्रमा क्षयरोगको उपचार, निदान, एडभोकेसीमा काम गर्ने विज्ञहरु भेला भएर छलफल गरेका छन् ।
डक्टर्स विथआउट बोडर्स एमएसएफ साउथ एशिया टीबी डेका रुपमा उक्त सम्मेलनको आयोजना गरिएको आयोजकको भनाई छ । उक्त सम्मेलनको उद्घाटन स्वास्थ्य तथा जनसंख्या मन्त्रालयका सचिव डा रोशन पोखरेलले गरेका थिए । उनले कार्यक्रमको उद्घाटन गर्दै क्षयरोग नेपालको मात्र नभई सार्क क्षेत्रमै समस्या रहेकाले यसलाई अन्त्य गर्न मिलेर काम गर्नुपर्नेमा जोड दिए । उनले यो सम्मेलनबाट धेरै नयाँ नयाँ कुराहरु आउेमा आफू विश्वस्त रहेको बताए ।
राष्ट्रिय क्षयरोग केन्द्रका निर्देशक डा प्रज्वल श्रेष्ठले काठमाडौंमा भएको उक्त सम्मेलनमा सार्क क्षेत्रमा क्षयरोगको अवस्था, चुर्नाैती र अब गर्नुपर्ने कदममाबारेमा बृहत छलफल भएको र यसले आ आफनो देश मात्र नभएर अन्य देशमा पनि के भइरहेको छ भन्ने थाहा भएकाे बताए । उनले क्षयरोग नियन्त्रणमा अन्य देशले गरेको राम्रो कामको पनि चर्चा भएकाले त्यसबाट पनि धेरै कुरा सिक्ने मौका मिलेको बताए ।
यसैगरी कार्यक्रममा एमएसएफ साउथ एशियाकी कार्यकारी निर्देशक डा फारहाथ मोन्टोले क्षयरोग अन्त्यका लागि के के गर्न सकिन्छ र कस्ता अप्रोच बढी लाभदायी हुन सक्छन भन्ने छलफल सुरु भएको र यो नै अन्तिम नभएको बताइन । उनले सम्मेलनमा धेरै देशका विज्ञहरु आएकाले उनीहरुबाट क्षयरोग अनत्यका लागि गर्न सकिने कामहरु बाहिर आउने र त्यसका लागि नीति तथा कार्यक्रममा पनि सहयाेग पुग्ने बताइन ।
कार्यक्रममा विज्ञहरुले क्षयरोग उपचारमा धेरै कुराले असर पार्ने हुँदा यसलाई इन्टीग्रेट गरेर लान पर्नेमा जोड दिएका थिए । भारतको मेडिसिन एनिपोय मेडिकल कलेज मेंग्लोरका प्रोफेसर डा अनुराग भार्गभले क्षयरोगको उपचारमा पोषण निकै महत्वपूर्ण हुने भन्दै उपचार र पोषण कार्यक्रम संगसँगै लगे मात्रै उपचार सफल हुनेमा जोड दिए । यसैगरी बीएमटी नेपालकी डा कृतिका दिक्षितले क्षयरोग निदान र उपचार निशुल्क भनिए पनि बिरामीले धेरै शिर्षकमा आफनो खल्तीबाट पैशा खर्च गर्न परिरहेको भन्दै त्यसतर्फ पनि सोच्नुपर्ने बेला आएको बताइन् ।
वैज्ञानिक खोज र अनुसन्धानमा लगानी बढाइनुपर्छ : शिक्षामन्त्री भट्टराई
स्वास्थ्य तथा जनसंख्या वैज्ञानिकहरुको शिखर सम्मेलन चैत २८ गतेदेखि
सुर्तीजन्य पदार्थको बट्टामा चेतावनीमूलक चित्र छाप्ने निर्देशिका कार्यान्वयनमा उद्योग मन्त्रालयको अवरोधप्रति चिकित्सक संघको आपत्ति
नेपालमा आमा र नवजात शिशु स्वास्थ्यमा सुधार
गुणकारी फल अनार