सूर्ति कम्पनीको प्रायोजनप्रति अनुसन्धान प्रतिष्ठान र नेपाल अर्बुद रोग निवारण संस्थाको आपत्ति
हेल्थ टिभी अनलाइन : पोखरामा हुन लागेको नेपाल लिटरेचर फेस्टिभल २०२४ मा सूर्तिजन्य पदार्थ उत्पादन गर्ने कम्पनीको प्रायोजनप्रति नेपाल विकास अनुसन्धान प्रतिष्ठान र नेपाल अर्बुद रोग निवारण संस्थाले आपत्ति जनाएका छन्।
प्रतिष्ठानका अध्यक्ष डा जयकुमार गुरुङ र नेपाल अर्बुद रोग निवारण संस्थाका महासचिव दीपेन्द्र बान्तवाले संयुक्त रुपमा विज्ञप्ति जारी गर्दै आपत्ति जनाएका हुन्।
सूर्तिजन्य पदार्थ उत्पादन गर्ने सूर्य नेपाल पोखरामा यही फागुन ३ देखि ७ गतेसम्म हुन लागेको साहित्यक सम्मेलनमा मुख्य प्रायोजक रहेको छ । जबकी सुर्ति उत्पादन गर्ने कम्पनीले कुनै पनि कार्यक्रम, सम्मेलन प्रायोजन गर्न नपाइने कानून छ । यसअघि कानून विपरित काम गरेको भन्दै एक्सन नेपाल र उपभोक्ता हित संरक्षण मञ्चले पनि विरोध जनाएर यस विषयमा ध्याकर्षण गराइसकेका छन्।
दुबै संस्थाले विज्ञप्तिमार्फत फागुन ३ देखि ७ गतेसम्म पोखरामा हुने साहित्य महोत्सवमा सूर्य नेपालको लोगोसहित प्रचारप्रसार गरिनु कानूनविपरीत रहेको जनाएका छन्। साथै यस्तो गलत काममा साथ नदिन आयोजकलाई आग्रह गरेका छन्।
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा