एनआइसीयूमा एक पटक नवजात शिशु भर्ना हुँदा झण्डै ४८ हजार खर्च : अध्ययन
हेल्थ टिभी अनलाइन : नवजात शिशु बिरामी भएर अस्पतालको एनआइसीयूमा भर्ना भएर उपचार गर्दा सरदरमा ४८ हजार खर्च हुने एक अध्ययनले देखाएको छ ।
नेपाल स्वास्थ्य अनुसन्धान परिषद्ले नेपालमा एनआइसीयूमा भर्ना भएका नवजात शिशु (जन्मेदेखि २८ दिनसम्मका) को उपचारका लागि परिवारले सरदर कति खर्च गर्नुपर्छ भन्ने विषय उजागर गर्नका लागि उक्त अध्ययन गरेको हो । सरकारी र प्राइभेट गरी ४ अस्पतालका एनआइसीयूमा भर्ना भएका ३ सय बिरामीका आफन्तलाई गत वैशाख २५ देखि असार ७ गतेसम्म विभिन्न चरणमा प्रश्न, अन्तरवार्ता लगायत गरेर डाटा संकलन गरेर उक्त अध्ययन गरिएको परिषद्ले जनाएको छ । अध्ययन सानै भए पनि यसले प्रारम्भिक रुपमा नवजात शिशुको उपचारमा लाग्ने खर्च, एनआइसीयूमा सरकारले कस्तो लगानी र सुधार गर्नुपर्ने विषयको बारेमा छलफल गर्न र निति निर्माणमा सहयोग पुग्ने सूचना दिएको परिषद्का कार्यकारी प्रमुख डा प्रदिप ज्ञवालीले बताए ।
उक्त अध्ययन अनुसार सरकारी अस्पतालमा एक जना नवजात शिशु भर्ना भएर उपचार लिन आउँदा २९ हजार ४८५ रुपैयाँ र प्राइभेट अस्पतालमा ४७ हजार ९७५ रुपैयाँ लाग्ने देखिएको छ । यसैगरी नवजात शिशुलाई कम्तीमा एक दिनदेखि ३२ दिनसम्म एनआइसीयूमा भर्ना गरेर उपचार गरेको पाइएको छ । अध्ययनमा सहभागी भएका नवजात शिशुको परिवारको औसत कमाई ३३ हजार ९५ रहेको पाइएको छ । जसमा ९५ प्रतिशतका पिता काममा रहेको र ५० प्रतिशत आमाहरु मात्र कामकाजी रहेको पाइएको छ । २० प्रतिशत आमा २० वर्ष अघि नै आमा बनेको र १३ प्रतिशतले शल्यक्रियामार्फत बच्चालाई जन्म दिएको पाइएको छ । एनआइसीयूमा भर्ना भएका नवजात शिशुमध्ये २५ प्रतिशतको तौल कम रहेको पाइएको अध्ययनले देखाएको छ ।
यसैगरी भर्ना भएका बिरामीमध्ये ९४ दशमलब ७ प्रतिशत डिस्चार्ज भएको र ५ दशमलब ३ प्रतिशतको मृत्यु भएको पनि अध्ययनले देखाएको छ ।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने