क्यान्सरबारे सचेतना जगाउन नेपाल क्यान्सर अस्पतालको वाकाथन
हेल्थ टिभी अनलाइन : क्यान्सरबारे सचेतना जगाउन नेपाल क्यान्सर अस्पताल तथा रिसर्च सेन्टरले वाकाथन कार्यक्रमको आयोजना गरेको छ । ‘प्रत्येक कदममा आशा, प्रत्येक उपचारमा सफलता’ भन्ने नाराका साथ विश्व क्यान्सर दिवसको अवसर पारेर उक्त वाकाथन गरिएको हो ।
शनिबार बिहान शान्तिबाटिकाबाट सुरु भएको वाकाथनमा अस्पतालका अध्यक्ष डा सुदिप श्रेष्ठ, क्यान्सर रोग विशेषज्ञहरु, अन्य चिकित्सकहरु, स्वास्थ्यकर्मी, कर्मचारी, क्यान्सर सर्भाइभर्स विभिन्न संघ संस्थाका प्रतिनिधी लगायतको सहभागिता रहेको थियो । वाकाथन शान्तिबाटिकाबाट सुरु भएर जमल, भद्रकाली, पुतलीसडक हुँदै गएर कोणसभामा परिणत भएर टुंगिएको थियो ।
उक्त कार्यक्रममा अस्पतालका अध्यक्ष तथा वरिष्ठ क्यान्सर रोग विशेषज्ञ डा सुदिप श्रेष्ठले क्यान्सरबारे जनमानसमा अझै पनि भ्रमहरु रहेको र त्यसलाई कम गराउँदै लानका लागि सचेतनामूलक कार्यक्रमहरुको आवश्यक भएको बताए । उनले क्यान्सर सुरुकै अवस्थामा उपचार गरेमा निको हुने भए पनि जनचेतनाको कमीले ढिला गरेर मात्र उपचारमा आउने गरेको जनाए ।
उक्त कार्यक्रममा क्यान्सर रोगको सचेतनामा काम गर्ने उपचारका लागि सहयोगी हातहरु, नेपाल क्यान्सर सपोर्ट ग्रुप, रोटरी क्लब अफ एल लगायतका संघ संस्थाहरुको पनि सहभागिता रहेको थियो । हरेक वर्ष फेब्रुअरी ४ तारिखका दिन क्यान्सरबारे सचेतना जगाउन विश्व क्यान्सर दिवस मनाउने गरिन्छ ।
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा