‘क्यान्सर उपचारमा मल्टीडीसीप्लेनरी टिम चाहिन्छ’
अस्वस्थकर खानपान र खराब जीवनशैलीले बढ्दैछ क्यान्सर
हेल्थ टिभी अनलाइन : ललितपुरको हरिसिद्धिमा रहेको नेपाल क्यान्सर अस्पतालले विश्व क्यान्सर दिवसको अवसर पारेर एक विशेष कार्यक्रमको आयोजना गरेको छ । शुक्रबार आयोजना गरिएको कार्यक्रममा बोल्दै अस्पतालका अध्यक्ष एवम वरिष्ठ मेडिकल अंकोलोजिस्ट डा सुदिप श्रेष्ठले नेपालमा क्यान्सरको उपचारमा पहुँच बढेसँगै क्यान्सर बिरामीको संख्या पनि बढिरेहेको बताए । उनले क्यान्सर उपचारमा एक जना डाक्टरले मात्र उपचार गरेर नहुने भन्दै यसमा विभिन्न विधाका डाक्टर, नर्स, स्वास्थ्यकर्मी, कााउन्सिलर लगायतको मल्टीडीसीप्लेनरी टिम चाहिने बताए । उनले भने, ‘जुन टिम हाम्रो अस्पतालमा उपलब्ध छ ।’
यसैगरी कार्यक्रममा अस्पतालमा डा मुरारीमान श्रेष्ठले क्यान्सर उपचार अहिलेकै गतिमा बढ्ने हो भने सन् २०४० सम्म अहिलेको भन्दा दुई गुणा बढी हुनसक्ने बताए । उनले क्यान्सर लाग्नै नदिन जीवनशैली र स्वस्थकर खानामा ध्यान दिन आवश्यक रहेको बताए । कार्यक्रममा अस्पतालका मेडिकल निर्देशक तथा मेडिकल अंकोलोजिस्ट डा विजेशराज घिमिरेले क्यान्सर उपचारमा मेडिकल अंकोलिोजिस्ट क्यान्सरको फिजिसियन रहेको र उनीहरुले नै सबै क्यान्सरको सुरुवाती परीक्षण गरेपछि विधिन्न विधाका डाक्टर तथा स्वाथ्यकर्मीको टिमसहित उपचारमा जानुपर्ने बताए । उनले नेपाल क्यान्सर अस्पतालमा १२ जना मेडिकल अंकोलोजिस्ट रहेको समेत जानकारी दिए ।
कार्यक्रममा सर्जिकल अंकोलोजिस्ट डा कपेन्द्र शेखर अमात्यले क्यान्सर उपचारको महत्वपूर्ण मानिने शल्यक्रियामा अहिले धेरै नै नयाँ नयाँ प्रविधि आएको बताए । उनले पहिले जस्तो ठूलो ठ्रलो चिरफार गर्नुपर्ने बाध्यता हटेर अहिले सानो मात्र घाउ बनाएर शल्यक्रिया गर्न सकिने बताए । उनले पहिले पहिले स्तनमा क्यान्सर भएमा स्तन नै काटेर फाल्नुपर्ने भएकोमा अहिले स्तन बचाएर र प्लाष्टिक सर्जनको सहयोगमा स्तन पुन निर्माण गरेर पनि शल्यक्रिया गरिने जनाए । उनले वर्षमा ४ देखि ५ हजार शल्यक्रिया हँुदै आएको समेत जानकारी दिए ।
यसैगरी रेडियसन अंकोलोजी विभागका प्रमुख डा गिसुपनिख प्रसिकोले क्यान्सरमा रेडियोथेरापीको महत्वकोबारेमा जानकारी दिंदै आफूहरुले उत्कृष्ट र लेटेस्ट प्रविधि प्रयोग गरेर बिरामीलाई रेडियोथेरापी सेवा दिइरहेको बताए ।
कार्यक्रममा अस्पतालका विभिन्न विभागका विभागिय प्रमुखहरुले आ आफनो विभागले गरिरहेको काम र महत्वकोबारेमा जानकारी गराएका थिए । अस्पतालका सिइओ कपिल गौतमले अस्पताल राम्रोसँग सेवा दिन सक्षम हुनमा व्यवस्थापन टिमको महत्वपूर्ण भूमिका हुने बताए । उनले सिधै नदेखिए पनि यसको प्रभाव सेवा प्रवाहमा हुने उनले जिकीर गरे । कार्यक्रम फेब्रुअरी ४ आइतबार परेको विश्व क्यान्सर दिवसको अवसर पारेर आयोजना गरिएको थियो ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा