हेल्थ टिभी अनलाइन : शहिद गंगालाल राष्ट्रिय हृदय केन्द्रको कार्यकारी निर्देशकमा डा रवि मल्ल नियुक्त भएका छन्।

आज बसेको मन्त्रिपरिषदको बैठकले डा मल्ललाई चार वर्षका लागि कार्यकारी निर्देशकमा नियुक्त गरेको हो। डा मल्ललाई यसअघि स्वास्थ्यमन्त्री मोहन बस्नेतले निमित्त निर्देशकमा नियुक्त गरेका थिए। अहिले उनलाई नै कार्यकारी अधिकारसहित निर्देशकमा नियुक्त गरिएको हो ।

यसअघि डा चन्द्रमणि अधिकारी केन्द्रका निर्देशक थिए । उनको कार्यकाल सकिएपछि डा मल्ललाई जिम्मेवारी दिइएको हो ।