हेल्थ टिभी अनलाइन : भारतका विभिन्न सहरबाट घर फर्किएका नेपालीमा कोरोना संक्रमण देखिन थालेको छ । भारतमा कोभिडको नयाँ भेरिएन्ट जेएन वान पुष्टि भएपछि नेपाल-भारत सीमा नाकामा कोरोना परीक्षण अहिले अनिवार्य गरिएको छ ।

हालसम्म भारतबाट फर्किएका १० जनामा कोरोना संक्रमण देखिएको गौरीफन्टा नाकामा रहेको हेल्थ डेस्कले जनाएको छ , नयाँ भेरियन्ट नदेखिए पनि कोरोना संक्रमण भने देखिएको जनाइएको छ । नाकामा परीक्षण गर्दा पोजेटिभ आएकालाई आइसोलेसनमा बस्न सल्लाह दिएर छोड्ने गरेको पाइएको छ । उता अन्य नाकाहरुमा पनि हेल्थ डेस्क मार्फत परीक्षण गर्न भनिएको स्वास्थ्य मन्त्रालयलय जनाएको छ ।

छिमेकी मुलुकमा कोरोनाको नयाँ भेरियन्ट पुष्टि भएपछि सरकारले सतर्कता अपनाउन आग्रह गर्दै विज्ञप्ति समेत निकालेको छ । मन्त्रालयका अनुसार नेपालमा हालसम्म कोरोनाको नयाँ भेरियन्ट जेएन वान भने पुष्टि भएको छैन ।