३ पुस २०८० , मङ्लबार

स्वास्थ्य बीमा : नियमित औषधी खानेलाई ३ महिनाको एकैपटक

हेल्थ टिभी अनलाइन : स्वास्थ्य बीमा बोर्डले बीमामा आबद्ध भएका र नियमित औषधी सेवन गरिरहेका दीर्घरोगीलाई एकैपटक तीन महिनाको औषधी दिने भएको छ ।

यसअघि एकपटकमा एक महिनाको औषधी दिने गरेकोमा सो व्यवस्था परिमार्जन गर्दैै एकैपटक तीन महिनाका लाग पुग्ने औषधी दिने व्यवस्था राखिएको हो ।

बोर्डमा नयाँ अध्यक्ष तथा सदस्यहरु आएसँगै बोर्डको बैठकबाट विभिन्न बुँदाहरु थपेर नयाँ व्यवस्था कायम गर्ने निर्णय भएको हो । यसैगरी बोर्डले अब एकपटक प्रेषण रिफर भई आएका बीमित बिरामीलाई सोही रोगका लागि फेरि रिफर पूर्जी लिन नपर्ने व्यवस्था समेत गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।