२६ मंसिर २०८० , मङ्लबार

चिकित्सा शिक्षा आयोगमा स्वार्थ बाझिने गरी निर्देशक नियुक्त नगर्न डा केसीको ध्यानाकर्षण

हेल्थ टिभी अनलाइन \काठमाडौं : चिकित्सा शिक्षा आयोगकका निर्देशकहरुको छनोट गर्दा स्वार्थ बाझिने गरी प्रक्रिया अघि नबढाउन डा गोबिन्द केसीले ध्याकर्षण गराएका छन् ।

डा केसीले प्रेस विज्ञप्ति जारी गर्दै कुनै पनि हालतमा दलीय भागवण्डा वा स्वार्थको द्वन्द्व नहुने सुनिश्चित गर्न तथा योग्यतम उम्मेदवारलाई मात्रै नियुक्त गर्न ध्यानाकर्षण गराएका हुन ।

उनले जारी गरेको विज्ञप्तिमा भनिएको छ ,’आयोगमा हुने कुनै पनि नियुक्तिमा यस्तो चलखेल हामीलाई स्वीकार्य छैन। छनोट समितिका सदस्यको स्वार्थ होस् वा दल र नेताहरुको, कुनै पनि स्वार्थ पदाधिकारी नियुक्तिमा रहनु हुँदैन र स्वार्थको द्वन्द्व नहुने योग्य उमेदवारहरु मात्रै छनोट गरिनुपर्छ। त्यसो नगरिएमा दोषी व्यक्तिहरुलाई जवाफदेही बनाउन जुनसुकै कदम चाल्न हामी बाध्य हुने जानकारी गराउँछौं।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।