३ मंसिर २०८० , आइतवार

एनएमए नेशनल हेल्थ समिट मंसीर १० र ११ मा हुने

हेल्थ टिभी अनलाइन \काठमाडौं : नेपाल चिकित्सक संघको तेस्रो राष्ट्रिय स्वास्थ्य शिखर सम्मेलन यही मंसीर १० र ११ मा हुने भएको छ ।

‘गुणस्तरीय स्वास्थ्य सेवाको प्रवर्धन : अवसर र चुनौती’ भन्ने मूल नाराका साथ उक्त सम्मेलन गर्न लागिएको हो । उक्त सम्मेलन यसअघि असोज १२ र १३ मा हुने भनि घोषणा गरिएको भए पनि चिकित्सक तथा स्वास्थ्यकर्मी माथिको कुटपिट घटनाका कारण चिकित्सक एवम स्वास्थ्यकर्मी आन्दोलनमा रहेकाले स्थगित गरिएको थियो । सोही सम्मेलन यही मंसीर १० र ११ मा काठमाडौंको कार्की ब्याङ्क्वेटमा गर्न लागिएको संघले विज्ञप्ति जारी गर्दै जनाएको छ ।

सम्मेलनको उद्घाटन स्वास्थ्य तथा जनसंख्यामन्त्री मोहन बहादुर बस्नेतले गर्ने जनाइएको छ । दुई दिनसम्म चल्ने सम्मेलनमा स्वास्थ्यका विभिन्न विषयमा प्रस्तुतीहरु रहने छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।