२३ कार्तिक २०८० , बिहिबार

नेपाल क्यान्सर अस्पतालमा मनाइयो विश्व रेडियोग्राफी दिवस

हेल्थ टिभी अनलाइन \काठमाडौं : नेपाल क्यान्सर अस्पताल तथा रिसर्च सेन्टरले विश्व रेडियोग्राफी दिवस मनाएको छ ।

बिहिबार अस्पतालमा एक कार्यक्रम गरी रेडियोग्राफी दिवस मनाइएको हो । कार्यक्रममा अस्पतालका रेडियसन अंकोलोजी विभागका प्रमुख डा गिसुप निख प्रसिखले स्वागत मन्तब्य दिएका थिए । यसैगरी अस्पतालका अध्यक्ष डा सुदिप श्रेष्ठले क्यान्सर उपचारमा रेडियोथेरापीको महत्वकोबारेमा जानकारी दिएका थिए । यसैगरी कार्यक्रममा अस्पतालका मेडिकल निर्देशक डा विजेशराज घिमिरेले पनि मन्तब्य राखेका थिए ।

कार्यक्रममा रेडियसन विभागमा कार्यरत डाक्टर तथा कर्मचारी सहभागी भएका थिए । ८ नोभेम्बर १८९५ मा एक्स रे विकिरण पत्ता लगाएको दिनको सम्झनामा हरेक वर्ष नोभेम्बर ८ तारिखलाई विश्व रेडियोग्राफी दिवसको रुपमा मनाउने गरिन्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।