१६ कार्तिक २०८० , बिहिबार

डब्लुएचओको क्षेत्रीय निर्देशकमा बंगलादेशकी साइमा वाजेद निर्वाचित

हेल्थ टिभी अनलाइन : विश्व स्वास्थ्य संगठन डब्लूएचओको दक्षिणपूर्वी एसिया क्षेत्रीय निर्देशकमा बंगलादेशका प्रधानमन्त्रीकी छोरी समेत रहेकी साइमा वाजेद विजयी भएकी छिन्। उनका प्रतिस्पर्धी नेपालका डा शम्भु आचार्य पराजित भएका छन्।

वाजिदले १० मध्ये ८ भोट पाउँदै निर्देशकमा चयन भएकी हुन्। नेपालका उम्मेदवार आचार्यले १० मध्ये २ भोट मात्र पाए। भारतको नयाँदिल्लीमा भएको क्षेत्रीय सभा अन्तर्गत बुधबार सम्पन्न निर्वाचनमा म्यानमार बाहेक १० देशका प्रतिनिधि सहभागी भएका थिए।

नयाँ निर्देशक वाजिदको मनोनयनलाई आउँदो जनवरीमा हुने विश्व स्वास्थ्य संगठनको महासभाले अनुमोदन गर्नेछ। उनको कार्यकाल ५ वर्षको हुनेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।