६ भदौ २०८० , बुधबार

शिशु बिक्री घटनामा संलग्न डाक्टरसहित ६ जना पक्राउ

हेल्थ टिभी अनलाइन \काठमाडौं : विराटनगरस्थित ग्रिनक्रस अस्पतालमा नवजात शिशु विक्री गरेको पुष्टि भएपछि डाक्टरसहित ६ जना पक्राउ परेका छन् ।

अस्पतालका डाक्टर तपेश्वर लाल कर्णको योजनामा शिशु ५ लाख रुपैयाँमा बिक्री भएको खुले लगत्तै विक्री गर्ने डाक्टर, शिशुका आमाबाबु, शिशु विक्रीमा सहयोग गर्ने नर्स र खरिद गर्ने दम्पत्तीलाई प्रहरीले पक्राउ गरेको हो ।

डा कर्णले अविवाहित दम्पत्तीबाट जन्मिएको शिशुलाई मोरङका नि: सन्तान दम्पत्तीलाई विक्री गरेका थिए । शिशुकी आमाले आफनो बच्चा आफूलाई नदिएपछि प्रहरीमा उजुरी गरेकी थिइन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।