२५ साउन २०८० , बिहिबार

एकल महिला र उनीहरुका छोराछोरीलाई क्यान्सर उपचारमा छुट

हेल्थ टिभी अनलाइन \काठमाडौं : एकल महिला र उनीहरुका १८ वर्ष मूनिका छोराछोरीलाई क्यान्सर उपचारमा छुट दिइने भएको छ । नेपाल क्यान्सर अस्पताल तथा रिसर्च सेन्टरले उक्त छुट प्रदान गर्ने भएको हो ।

बुधबार क्यान्सर उपचारबारे मानव अधिकारको लागि महिला, एकल महिला समूह र नेपाल क्यान्सर अस्पतालवीच सम्झौता भएको हो । सो सम्झौता पत्रमा अस्पतालका तर्फबाट निर्देशक स्वरुपा श्रेष्ठ र समूहका तर्फबाट अध्यक्ष कविता पाण्डेले हस्ताक्षर गरेका हुन।

यो सम्झौता अनुसार नेपाल क्यान्सर अस्पतालले वेलनेस प्याकेज अन्तर्गत समूहका सदस्यहरुलाई र उनीहरुका १८ वर्ष मूनिका छोराछोरीलाई उपचारमा छुट दिनेछ । यो सम्झौता एक वर्षका लागि मान्य हुनेछ । मानव अधिकारको लागि महिला, एकल महिला समूह महिलाहरुको हक अधिकारमा काम गर्ने संस्था हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।