२३ साउन २०८० , मङ्लबार

सात हजार सात सय जनामा डेंगु संक्रमण पुष्टि, सबैभन्दा धेरै धरानमा

हेल्थ टिभी अनलाइन \काठमाडौं : नेपालमा हालसम्म ७ हजार ७ सय ३३ जनामा डेंगु संक्रमण पुष्टि भएको बताइएको छ । स्वास्थ्य सेवा विभाग इपिडिमीयोलोजी तथा रोग नियन्त्रण महाशाखाका निर्देशक डा रुद्र मरासिनीले हालसम्म ७ हजार ७ सय ३३ जनामा डेंगु संक्रमण पुष्टि भएको र ती मध्ये ७ जनाको मृत्यु भएको बताएका हुन् ।

सबैभन्दा धेरै सुनसरीको धरानमा डेंगु संक्रमण देखिएको पनि डा मरासिनीले जनाएका छन् । अहिले सम्म ७१ जिल्लामा डेंगु संक्रमण पुष्टि भइसकेको छ । पानी परिरहेकाले यो बेला अझ धेरै डेंगु संक्रमणको जोखिम बढ्ने हुँदा अहिले विशेष ख्याल गर्नुपर्नेमा उनले जोड दिए ।

उनले डेंगुबाट बच्ने एउटै उपाय भनेको लामखुट्टेको टोकाइबाट बच्नु भएकाले यसबाट बच्न घर वरपर पानी जम्न नदिन, पुरै शरीर ढाकिने लुगा लगाउन तथा झ्याल ढोकामा जाली लगाउन आग्रह गरे ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।