हेल्थ टिभी अनलाइन \काठमाडौं : कान्ति बाल अस्पतालमा एप्रिसिएटिभ इन्क्वायरी अर्थात सकारात्मक सोधखोज तालिम सम्पन्न भएको छ । सोमबार कान्ति बाल अस्पतालको आयोजना तथा मिडिया हाउस नेशनल इन्स्टिच्युट फर करिअर डिभलपमेन्टको संयोजनमा एकदिने सकारात्मक सोधखोजको तालिम सम्पन्न भएको हो ।

कार्यक्रम दुई चरणमा सम्पन्न भएको थियो । कार्यक्रममको पहिलो चरणमा स्वास्थ्य तथा जनसंख्या मन्त्रालयका नीति तथा योजना तथा अनुगमन महाशाखाका प्रमुख डा कृष्णप्रसाद पौडेल प्रमुख अतिथी थिए ।

यसैगरी तालिममा कान्ति बाल अस्पताल विकास समितिका अध्यक्ष डा बाबुराम गौतम,अस्पतालका निर्देशक डा युवानिधी बसौला, अस्पताल विकास समितिका सदस्य कपिलदेव लामिछाने लगायत स्वास्थ्यकर्मी तथा कर्मचारीको सहभागिता रहेको थियो ।

पहिलो चारुणको तालिम गत फागुण १३ र १४ गते भएको थियो । मिडिया हाउस नेशनल इन्स्टिच्युटकी निर्देशक सहनसिला शर्माले सकारत्मक सोधखोज तालिमले कर्मचारीलाई कामबाट हुने तनाव कम गर्दै सकारात्मक सोचको विकास गर्न सहयोग पुग्ने बताईन्।