५ असार २०८० , मङ्लबार

डा सन्दुक रुइतले पाएको अवार्डमा कर छुट

हेल्थ टिभी अनलाइन \काठमाडौं : सरकारले वरिष्ठ आँखा रोग विशेषज्ञ डा सन्दुक रुइतले पाएको दश लाख अमेरिकी डलर करिब १३ करोड नेपाली रुपैयाँ बराबरको प्रतिष्ठित इसा अवार्डमा कर छुट दिने भएको छ। सोमबार राजपत्रमा सूचना प्रकाशित गर्दै डा रुइतले बहराइनबाट पाउने दश लाख अमेरिकी डलरमा कर छुट दिने निर्णय भएको जानकारी दिइएको हो।

सरकारले आर्थिक ऐन २०७९ को दफा १८ को उपदफा १ ले दिएको अधिकार प्रयोग गरी डा सन्दुक रुइतलाई बहराइनस्थित इसा अवार्ड ट्रस्टले प्रदान गर्ने इसा अवार्ड फर सर्भिस टु ह्युमानिटी अवार्ड साथ प्राप्त हुने अमेरिकी डलर दश लाख रकममा लाग्ने कर छुट दिने निर्णय मिति २०७९ फागुन ११ गते गरेकाले यो सूचना प्रकाशित गरिएको छ भनी सोमबार प्रकाशित राजपत्रमा उल्लेख छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।