४ असार २०८० , सोमवार

दादुरा संक्रमणबाट १७ जिल्ला प्रभावित, एक हजार बढी संक्रमित

हेल्थ टिभी अनलाइन\ काठमाडौं : दादुरा संक्रमणबाट देशका १७ जिल्ला प्रभावित भएका छन्। स्वास्थ्य सेवा विभाग परिवार कल्याण महाशाखाले दादुरा संक्रमण पुष्टि हुने जिल्ःला थपिने क्रममा रहेको र आइतबारसम्म दादुरा प्रभावित जिल्लाको संख्या १७ पुगेको जनाएको छ ।

यसरी दादुरा संक्रमण देखिएका जिल्लाहरुमा मोरङ, सुनसरी, धनुषा, महोत्तरी, सर्लाही, चितवन, काठमाडौं, कपिलवस्तु, अर्घाखाँची, दाङ, बाँके, बर्दिया, सुर्खेत, कालिकोट, कैलाली, कञ्चनपुर र बाजुरा रहेका छन् । हालसम्म एक हजार २१ जनामा दादुरा पुष्टि भएको र बाँकेमा एक जना बालकको दादुराबाट ज्यान गएको परिवार कल्याण महाशाखाले जनाएको छ ।

उता दादुरा संक्रमण देखिए यता २ लाख १५ हजार ५४ बालबालिकालाई खोप लगाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।