२९ जेष्ठ २०८० , सोमवार

मापदण्ड विपरीतका २ अस्पतालमा महानगरको ताला

हेल्थ टिभी अनलाइन \काठमाडौं : काठमाडौं महानगरपालिकाले दर्ता नै नगरी सञ्चालनमा रहेका २ अस्पतालमा आज ताला लगाएको छ । दर्ता नगरी सञ्चालनमा रहेको बौद्धको चाइनिज पिपुल्स अस्पताल र काटेश्वरमा रहेको सहयात्री अस्पतालमा महानगरले ताला लगाएको हो ।

ताला लगाइएका यी दुवै अस्पताल १५ \१५ शय्याका हुन् । चाइनिज पिपुल्स अस्पतालमा ताला लगाउँदा केही बिरामी भित्र उपचारमा थिए उनीहरुलाई बाहिर सारेर ताला लगाइएको हो । अहिले महानगरले विपन्न वर्गलाई उपलब्ध गराउनुपर्ने सुविधाकोबारेमा नियमित नगरानी र अनुगमन गरिरहेको छ ।

महानगरको टोली अस्पताल पुगेर दर्ता कागजपत्र माग्दा सञ्चालकले दिन नसकेपछि ताला लगाइएको महानगरले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।