हेल्थ टिभी अनलाइन \काठमाडौं : वीर अस्पतालमा राष्ट्रिय ब्रेन ट्युमर सेन्टर स्थापना गरिएको छ । बिहिबार विश्व ब्रेन ट्युमर दिवसको अवसर पारेर अस्पतालमा राष्ट्रिय ब्रेन ट्युमर सेन्टर स्थापना गरिएको हो ।

सेन्टरको स्थापनासँगै एक साताका लागि ब्रेन ट्युमरका बिरामीको नि शुल्क शल्यक्रिया हुन बताइएको छ । सेन्टरको स्थापनाले ब्रेन ट्युमर भएका बिरामीको सहज, गुणस्तरीय र छिटो उपचार सम्भाव हुने वीर अस्पतालका न्युरो सर्जरी विभागका प्रमुख प्राडा राजीव झाले बताए । उनले यस सेन्टरले ब्रेन ट्युमर भएका बिरामीको लागि यो सेन्टरले एकीकृत सेवा छिटो र छरितो रुपमा दिन सक्ने बताए । उनले धेरै वर्षपछिको प्रयासपछि यो सम्भव भएको पनि जनाए ।

यसैगरी वीर अस्पतालका निर्देशक डा सन्तोष पौडेलले यो सेन्टरको स्थापना गर्नमा धेरै जनाको सहयोग रहेको भन्दै बिहिबारदेखि एक साताका लागि ब्रेन ट्युमर भएका बिरामीको निशुल्क शल्यक्रिया गरिने बताए ।