१९ जेष्ठ २०८० , शुक्रबार

नेपाल क्यान्सर अस्पतालको ओपीडी सेवा आज निःशुल्क

हेल्थ टिभी अनलाइन \काठमाडौं : ललितपुरको हरिसिद्धिस्थित नेपाल क्यान्सर हस्पिटल तथा रिसर्च सेन्टरले आफनो छैठौं वार्षिकोत्सवको अवसर पारेर बिरामीका लागि आज निशुल्क ओपीडी सेवा संचालन गरेको छ ।

अस्पतालले विभिन्न कार्यक्रमहरु गर्ने क्रममा आज एक दिने निशुल्क ओपीडी सेवा समेत राखेको हो । ओपीडी बिहान ९ बजेदेखि दिउँसो ३ बजेसम्म चल्ने अस्पतालले जनाएको छ । यसैगरी वार्षिकोत्सवकै अवसर पारेर अस्पतालमा गरिने विभिन्न ल्याब टेस्टहरुमा विशेष छुट प्रदान गरिएको पनि अस्पतालले जनाएको छ ।

नेपालीको क्यान्सर उपचार नेपालमै सम्भव छ भन्ने नाराका साथ ६ वर्ष अघि यस अस्पतालको स्थापना भएको थियो । भोलि जेठ २० गते अस्पतालले विशेष कार्यक्रमको आयोजना गरी छैठौं वार्षिकोत्सव मनाउँदैछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।