१८ जेष्ठ २०८० , बिहिबार

सुर्तीजन्य पदार्थ विरुद्ध सचेतना जगाउन वक्तृत्वकला प्रतियोगिता

हेल्थ टिभी अनालइन \काठमाडौं : सुर्तीजन्य पदार्थ विरुद्ध सचेतना जगाउन विद्यार्थीहरुवीच वक्तृत्वकला प्रतियोगिता गरिएको छ ।

नेपाल क्यान्सर रिलिफ सोसाइटीको आयोजना तथा नेपाल क्यान्सर हस्पिटल एण्ड रिसर्च सेन्टर, उपचारका लागि सहयोगी हातहरु, नेपाल क्यान्सर सपोर्ट ग्रुप र रोटरी क्लब अफ एलको समन्वयमा उक्त वक्तृत्वकला प्रतियोगिता भएको हो । बुधबार विश्व सुर्तीजन्य पदार्थरहित दिवसको अवसर पारेर उक्त कार्यक्रम गरिएको हो ।

वक्तृत्वकला प्रतियोगितामा ललितपुरका १० विद्यालयका २० जना विद्यार्थीहरुले भाग लिएका थिए ।

उक्त वक्तृतवकला प्रतियोगितामा आदर्श सौला युवक सेकेन्डरी स्कूलले पहिलो र दोस्रो पुरस्कार हात पारेको थियो । कार्यक्रम नेपाल क्यान्सर हस्पिटल हरिसिद्धिमा भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।