१७ जेष्ठ २०८० , बुधबार

स्वास्थ्य पत्रकार जोशीलाई ‘स्वास्थ्यमन्त्री ब्लुम्बर्ग जनस्वास्थ्य पुरस्कार’

हेल्थ टिभी अनलाइन \काठमाडौं : स्वास्थ्य पत्रकार पदमराज जोशीलाई यस वर्षको स्वास्थ्यमन्त्री ब्लुमबर्ग जनस्वास्थ्य पुरस्कार प्रदान गरिएको छ ।

सुर्तीजन्य पदार्थको उत्पादन, बिक्री वितरण, उपभोग गर्ने कार्यलाई न्यूनीकरण, नियन्त्रण र नियमन गर्न समाचार प्रकाशन गरी पत्रकारिताको माध्यमबाट महत्वपूर्ण योगदान गरेको भन्दै जोशीलाई उक्त पुरस्कार दिइएको हो । बुधबार सुर्तीजन्य पदार्थरहित दिवसको अवसरमा आयोजित कार्यक्रममा स्वास्थ्य तथा जनसंख्या मन्त्री मोहनबहादुर बस्नेतले जोशीलाई पुरस्कार प्रदान गरेका हुन्।

उक्त पुरस्कारको राशी नगद ५० हजार रुपैयाँ सहित प्रमाणपत्र रहेको छ । जोशी हेल्थ टुडे राष्ट्रिय मासिक र हेल्थ टुडे नेपाल डटकम अनलाइनका सम्पादक हुन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।