१२ जेष्ठ २०८० , शुक्रबार

स्वास्थ्य बीमामार्फत तीन महिनाको औषधि एकैपटक दिँदै भरतपुर अस्पताल

हेल्थ टिभी अनलाइन\ चितवन : चितवनस्थित भरतपुर अस्पतालले स्वास्थ्य बीमामा रहेका बिरामीका लागि एकैपटक तीन महिनाको औषधी दिने भएको छ ।

अस्पतालले सूचना जारी गर्दै हालसम्म चिकित्सकको प्रेस्क्रिप्सन अनुसार दीर्घ रोगी जस्तै मधुमेही, थाइराइडको समस्या भएका, उच्च रक्तचापको समस्या भएका लगायतलाई २ महिनासम्मको औषधि दिंदै आएकोमा आजदेखि तीन महिनाको लागि औषधि दिइने जनाएको हो । पटक पटक अस्पताल आउन नपरोस र भीड कम होस् भन्ने उद्धेस्यले अस्पतालले यस्तो निर्णय गरेको जनाएको छ ।

यसरी बीमाको औषधि लिन चाहने बिरामीले दिउँसो १ देखि २ बजेको टिकट काटेर ५ बजेसम्म सेवा लिन सक्ने अस्पतालले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।