२५ बैशाख २०८० , सोमवार

डा ढाकाकुमार श्रेष्ठलाई तत्काल कारबाही नगर्न सर्वोच्चको अल्पकालीन अन्तरिम आदेश

हेल्थ टिभी अनलाइन \काठमाडौं : राष्ट्रिय स्वतन्त्र पार्टीले सांसद पदबाट पदमुक्त गरेका डा ढाकाकुमार श्रेष्ठलाई अहिले कारवाही नगर्न सर्वोच्च अदालतले अल्पकालीन अन्तरिम आदेश दिएको छ ।

सोमबार न्यायधीश तिलकुमार श्रेष्ठको एकल इजलासले डा श्रेष्ठको रिटमा सुनुवाई गर्दै तत्काललाई कारवाही नगर्न आदेश दिएको हो। यसैगरी सर्वोच्चले श्रेष्ठलाई कारवाही गर्नुको कारण पेश गर्न पनि उल्लेख गरेको छ ।

झापाका मेडिकल व्यवसायी दुर्गा प्रसाईसँग मन्त्री बन्नका लागि भन्दै दुई करोड रूपैयाँ मागेको अडियो बाहिरिएपछि उनलाई गत चैत २९ गते पार्टीले साधारण सदस्य समेत नरहने गरी कारबाही गरेको थियो । श्रेष्ठले आफूलाई अन्याय भएको भन्दै आइतबार सर्वोच्चमा रिट दायर गरेका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।