९ बैशाख २०८० , शनिबार

नियमित खोप लगाउन छुटेका बालबालिकाका लागि दुई दिने खोप अभियान

हेल्थ टिभी अनलाइन \काठमाडौं : सरकारले नियमित खोप लगाउन छुटेका बालबालिकाका लागि दुई दिने खोप अभियान सुरु गर्ने भएको छ ।

स्वास्थ्य सेवा विभाग परिवार कल्याण महाशाखाले विश्व खोप सप्ताहको अवसर पारेर यही वैशाख १५ र ३१ गते नियमित खोप लगाउन छुटाएका ५ वर्ष मूनिका बालबालिकाका लागि वृहद् खोज र खोप अभियान चलाउन लागेको हो ।

यी २ दिनमा स्थानीय निकायका स्वास्थ्य संस्थाका खोप केन्द्रमा खोप उपलव्ध हुने बताइएको छ । बालबालिकाहरुले पूर्ण खोप नलगाए सम्म कोही पनि सुरक्षित नहुने भएकाले यो अभियान सुरु गरिएको महाशाखाले जनाएको छ । आफना बालबालिकालाई खोप कार्यक्रममा सहभागी गराई पूर्ण खोपको अभियानमा सहभागी हुन महाशाखाले आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।