२६ चैत्र २०७९ , आइतवार

रास्वपा सांसद ढाका कुमारले स्वास्थ्यमन्त्री बन्न भन्दै प्रसाईसँग २ करोड मागेको अडियो सार्वजनिक

हेल्थ टिभी अनलाइन \काठमाडौं : राष्ट्रिय स्वतन्त्र पार्टी रास्वपा का समानुपातिक सांसद डा ढाकाकुमार श्रेष्ठले झापाका मेडिकल व्यवसायी दुर्गा प्रसाईसँग २ करोड रुपैयाँ माग्दै फोन गरेको अडियो सार्वजनिक भएको छ।

उक्त फोन वार्तामा सांसद श्रेष्ठले आफू स्वास्थ्यमन्त्री बन्नका लागि पार्टी सभापति रवि लामिछानेका मान्छेलाई दिन भन्दै उक्त रकम माग गरिएको बुझिएको छ । उनले आफू स्वास्थ्यमन्त्री भएपछि प्रसाईलाई सहयोग गर्ने समेत जनाएका छन्।

उनले स्वास्थ्य तथा जनसंख्या मन्त्री बन्नका लागि पार्टीलाई २ करोड बुझाउनुपर्ने भन्दै रकम मागेको अडिओ सार्वजनिक भएको हो। यो अडियो सार्वजनिक भए लगत्तै पार्टीले निलम्बन गरेर छानविन प्रक्रिया अगाडि बढाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।