२० चैत्र २०७९ , सोमवार

स्वास्थ्य मन्त्रालयले भन्यो- फेरि कोरोना बढ्न थाल्यो, सावधानी अपनाऔं

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले नेपालमा कोरोना संक्रमण फेरि एकपटक बढ्न थालेको भन्दै सतर्कता अपनाउन आग्रह गरेको छ ।

मन्त्रालयले आज एक विज्ञप्ति जारी गर्दै नेपालमा मौसमी रुघाखोकीसँगै कोभिड संक्रमितको संख्यामा पनि वृद्धि भइरहेकाले जनस्वास्थ्यका मापदण्ड अनिवार्य पालला गर्न आग्रह गरेको हो । विज्ञप्तिमा भनिएको छ, ‘विगत केही दिनदेखि छिमेकी मुलुकमा कोभिड १९ को नयाँ भेरियन्ट फेलिरहेको हुँदा सीमा नाकामा प्रवेश गर्नेहरुको परीक्षण गर्ने तथा उपचारको व्यवस्था मिलाउने काम गरिएको छ । र नभएका स्थानमा तुरुन्त व्यवस्था गर्न जरुरी छ ।’

कोभिडको जोखिम अझै पनि उच्च रहेकाले यसबाट जोगिन जनस्वास्थ्यका सम्पूर्ण मापदण्ड पालना गर्न र त्यही अनुसार तयारी गर्न विज्ञप्तिमा आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।