९ चैत्र २०७९ , बिहिबार

तिलोत्तमा नगरपालिकाभित्र गुट्खाजन्य पदार्थ बिक्री गर्न रोक

हेल्थ टिभी अनलाइन \काठमाडौं : रुपन्देहीको तिलोत्तमा नगरपालिकाले नगर क्षेत्रभित्र गुट्खाजन्य पदार्थ बिक्री गर्न रोक लगाएको छ। नगरपालिकाले सार्वजनिक सूचना जारी गर्दै गुट्खा बिक्री वितरणमा प्रतिवन्ध लगाएको हो।

प्रतिबन्धसँगै नगरपालिकाले गुट्खा बिक्री वितरण गर्नेलाई ५० हजार रुपैयाँसम्म जरिवाना गर्ने निर्णय समेत गरेको छ। गुट्खाजन्य पदार्थको सेवनले स्वास्थ्यमा गम्भीर असर पार्ने तथा सो बाट निस्कने फोहरले नगर क्षेत्रको सौन्दर्यतामा समेत प्रतिकुल असर पर्ने भएकोले यस्तो निर्णय गरिएको नगरपालिकाले जनाएको छ।

मंगलबार प्रकाशित सूचनामा नगरपालिकाले पहिलो, दोस्रो र तेस्रो पटक गरी जरिवानाको फरक दर निर्धारण गरेको छ। त्यसमा डिलर व्यवसायीहरुलाई पहिलो पटक १० हजार, दोस्रो पटक २० हजार र तेस्रो पटक ५० हजार रुपैयाँ जरिवाना तोकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।