२१ फाल्गुन २०७९ , आइतवार

‘अल नेपाल मेडिकल कन्फ्रेन्स २०२३’ सम्पन्न, आठ बुँदे घोषणापत्र जारी

हेल्थ टिभी अनलाइन \काठमाडौं : नेपाल चिकित्सक संघको अल नेपाल मेडिकल कन्फ्रेन्स -२०२३ सम्पन्न भएको छ। विराटनगरमा तीन दिनसम्म चलेको संघको २९ औं राष्ट्रिय सम्मेलन शनिबार सम्पन्न भएको हो।

तीन दिनसम्म चलेको सम्मेलन ८ बुँदे घोषणापत्र जारी गर्दै सकिएको हाे।

‘अल नेपाल मेडिकल कन्फ्रेन्स’ हरेक तीन वर्षमा हुने गर्छ। यस वर्ष विराटनगरमा यही फागुण १८ देखि २० सम्म बिहीबारदेखि शनिबारसम्म भएको थियो। संघको ३० औं सम्मेलन चितवनमा हुने बताइएको छ।

सम्मेलनले मेडिकल टुरिजम र मेडिकल एजुकेशन टुरिजमका लागि गृहकार्य अगाडि बढाउने, चिकित्सक तथा स्वास्थ्यकर्मीको सुरक्षाका लागि थप पहल गर्ने, स्वास्थ्यकर्मीको सुरक्षा सम्बन्धी ऐनको कार्यान्वयनमा जोड दिने लगायतका विषय घोषणापत्रमा उल्लेख छ।

सम्मेलनमा विभिन्न व्यक्तिहरुलाई सम्मान समेत गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।