हेल्थ टिभी अनलाइन \काठमाडौं : स्क्रब टाइफस ‘ओरिन्सया सुसुगामासी’ जीवाणुले संक्रमित एक प्रकारको सानो किर्नाको टोकाइबाट मानिसमा सर्छ । समयमै उपचार नगरे यसले गम्भीर रुप लिनसक्छ । जस्तै मस्तिष्क, कलेजो, फोक्सो, आदिको संक्रमण र कहिलेकाहीं बहुअंग विकार मल्टी अर्गान डिस्फंसनको अवस्था पनि सिर्जना हुनसक्छ ।

कसरी सर्छ ? 
मुसाको कानमा वा अन्य जीवजन्तुमा हुने संक्रमित किर्नाले मानिसलाई टोके यो रोग मानिसलाई सर्छ । यसको लक्षणहरुमा उच्च ज्वरो आउनु, आँखा रातो हुनु,धेरै टाउको दुख्नु, जोर्नी र मांंसपेशी दुख्नु, टोकेको ठाउँमा कहिलेकाहीं कालो दाग देखिनु, बिमिरा देखिनु, सास फेर्न समस्या हुनु, खोकी लाग्नु, पेट दुख्नु, पखाला लाग्नु हुन ।

बच्ने उपाय
किर्नाको टोकाइबाट बच्न खेत झाडी वा वनजंगल जाँदा लामो बाहुला भएको कपडा र उपयुक्त जुत्ता लगाउने र शरीरको खुला भागमा किटनाशक मलमको प्रयोग गर्ने
घर वरिपरिका खेतवारीमा घाँसहरु धेरै बढ्न नदिने र वातावरण सफा राख्ने मुसा नियन्त्रणका लागि उपयुक्त किसिमले अन्न भण्डारण गर्ने ।

यो रोगको लक्षण कोभिड १९ सँग मिल्दोजुल्दो भएकाले कोभिड परीक्षण गर्दा नेगेटिभ आएमा पनि स्क्रब टाइफसको जाँच गरौं र समयमै उपचार गरेमा यो रोग निको हुन्छ ।