हेल्थ टिभी अनलाइन : भारतको महाराष्ट्रमा कोरोना संक्रमण फेरी तीब्र गतिमा बढ्न थालेको छ ।

भारतीय स्वास्थ्य मन्त्रालयका अनुसार बिहिबार महराष्ट्रमा मात्रै २५ हजार ८३३ जना नयाँ संक्रमित फेला परेका हुन्। यसैगरी बिहिबार १९ जना कोरोना संक्रमितको मृत्यु भएको छ । यो संख्या सेप्टेम्बरपछिको एकैदिन धेरै देखिएको बढी संख्या र मृत्यु रहेको पनि त्यहाँको स्वास्थ्य मन्त्रालयले जनाएको छ । यसअघि सेप्टेम्बरमा एकै दिन महाराष्ट्रमा २४ हजार ८८६ जना संक्रमित फेला परेका थिए ।

अहिले महाराष्ट्रमा मात्रै ८ लाख १३ हजार २११ जना संक्रमित होम आइसोलेसनमा रहेका छन् भने ७ हजार ७९ जना संस्थागत आइसोलेसनमा रहेको बताइएको छ । केही दिन यता महाराष्ट्रको मुम्बई, पुणे, नागपुर हटस्पट बनिरहेका छन् ।  उता ठाणे, नासिक, औरंगाबाद, अमरावती, अकोला और नंदूरबार जस्ता शहरमा पनि कोरोना संक्रमण तीब्र गतिमा बढिरहेको छ ।

अर्कोतिर भारत सरकारले जनवरीदेखि कोरोना विरुद्धको खोप अभियान पनि जारी राखेको छ ।