विश्वभर कोरोना : संक्रमितको संख्या १ करोड ४८ लाख नाघ्यो

विश्वभर कोरोना : संक्रमितको संख्या १ करोड ४८ लाख नाघ्यो

हेल्थ टिभी अनलाइन \काठमाडौं : विश्वभर कोरोना संक्रमितको संख्या १ करोड ४८ लाख ५२ हजार ७ सय पुगेको छ । गत २४ घण्टामा मात्रै २ लाख १८ हजार भन्दा बढी नयाँ संक्रमित थपिएका छन्। जबकी २४ घण्टामा ४ हजार २९६ जनाको कोरोनाबाट मृत्यु भएको छ ।

वर्ल्डोमीटरका अनुसार विभिन्न देशका ६ लाख १३ हजार २१३ जनाको कोरोना संक्रमणबाट मृत्यु भएको पुष्टि भएको छ । कोरोना संक्रमण भएर पनि उपचारपछि निको भएर घर फर्कनेको संख्या नै ८९ लाख बढी रहेको वर्ल्डोमीटरले जनाएको छ ।

अझै पनि ५३ लाख ३२ हजार बढी एक्टिभ कोरोना संक्रमितको विभिन्न आइसोलेसन सेन्टरमा उपचार भइरहेको छ । चीनबाट शुरु भएको कोरोना भाइरसको संक्रमणबाट सबैभन्दा बढी प्रभावित अमेरिका बन्न पुगेको छ । हालसम्म अमेरिकामा मात्रै ३९ लाख ६१ हजार भन्दा बढी नागरिकमा कोरोना संक्रमण पुष्टि भएको छ । यसैगरी त्यहाँ १ लाख ४३ हजार बढीले ज्यान गुमाएका छन्।

अमेरिकापछि ब्राजिलमा बढी संक्रमित रहेका छन्। त्यहाँ हालसम्म २१ लाख २१ हजार ६४५ जनामा कारोना पुष्टि भएको छ । संख्याको हिसाबमा भारत तेस्रो नम्बरमा पर्न आउँछ । भारतमा हालसम्म ११ लाख ५४ हजारमा कोरोना भाइरसको संक्रमण पुष्टि भएको छ । यद्यपी भारतमा मृत्युदर भने कम रहेको छ ।

थप समाचार