भारतमा कोरोना समुदायमा फैलियो, नियन्त्रण गर्न गाह्रो छ : इन्डियन मेडिकल एसोसिएसन

भारतमा कोरोना समुदायमा फैलियो, नियन्त्रण गर्न गाह्रो छ  : इन्डियन मेडिकल एसोसिएसन

हेल्थ टिभी अनलाइन\ काठमाडौं : भारतमा कोरोना भाइरस समुदायमा फैलिएको भन्दै स्थिती भयावह हुनसक्ने बताइएको छ ।

आइतबार भारतीय मेडिकल एसोसिएसनले विज्ञप्ति जारी गर्दै भारतका कयौं गाउँहरुमा कोरोना समुदायमा फैलिएको भन्दै यसलाई रोक्नका लागि ठोस कदम चालिनुपर्ने बताएको छ । विज्ञप्तिमा कोरोनाबाट दैनिक रुपमा ३० हजार बढी संक्रमित हुनु राम्रो संकेत नभएको भन्दै यसलाई रोक्न सबै लाग्नुपर्ने जनाएको छ ।

भारतमा हालसम्म ११ लाख १८ हजार बढीमा कोरोना संक्रमण पुष्टि भइसकेको छ भने २७ हजार बढी संक्रमितको मृत्यु भइसकेको छ । यो संँख्या दिनप्रतिदिन बढिरहेको छ । भारत सरकारले आर्थिक मन्दी हुने भन्दै लगभग सबै क्षेत्र खुला गरेको छ । सुरक्षाका उपाय अपनाउँदै व्यापार व्यवसाय गर्न भनिए पनि मानिसहरुको भिढभाड त्यत्तिकै देखिने गरेको छ । जसले गर्दा महाराष्ट्र, दिल्ली, तमिलनाडु, पश्चिम बंगाल लगायतका राज्यमा संक्रमितको संख्या अत्यधिक बढिरहेको छ ।

थप समाचार