हेल्थ टिभी अनलाइन\ काठमाडौं:  भारतका चर्चित म्युजिक डाइरेक्टर तथा गायक वाजिद खानको कोरोना संक्रमणका कारण निधन भएको छ ।

६ महिनाअघि मिर्गौला प्रत्यारोपण गराएका उनको आइतबार कोरोना संक्रमणका कारण मुम्बईस्थित सुराणा सेठिया अस्पतालमा निधन भएको हो । ४३ वर्षीय वाजिद केही दिन अघि  मिर्गौला र घाँटीमा इन्फेक्सन भएपछि अस्पताल भर्ना भएको बताइएको छ । उनी अस्पताल भर्ना हुँदा उच्च ज्वरो आएकाले उनको कोरोना परीक्षण गर्दा कोरोना पोजेटिभ देखिएको त्यहाँका मिडियाले जनाएका छन्।

उनको निधनमा बलिवुडका कलाकारहरुले दुख व्यक्त गरेका छन्। बलिवुडमा साजिद-वाजिद निकै नै चर्चित संगीतकार मानिन्छन्। उनीहरु दाजुभाई हुन्। साजिद दाई हुन भने वाजिद भाई हुन्। उनीहरुले वलिवुडमा थुप्रै सुपर हिट फिल्महरुमा संगीत दिएका छन्।