दुई महिनापछि भारतमा हवाई उडान शुरु

दुई महिनापछि भारतमा हवाई उडान शुरु

हेल्थ टिभी अनलाइन\ काठमाडौं: कोरोना महामारीका कारण दुई महिनादेखि लकडाउन जारी गरेको भारतले सोमबारदेखि हवाई उडान शुरु गरेको छ ।

भारतमा कोरोनाबाट जोगिन विशेष सावधानी अपनाउँदै आन्तरिक हवाई उडान शुरु गरिएको हो । आन्ध्रप्रदेश र पश्चिम बंगालबाहेकका सबै स्थानमा हवाई उडान शुरु गरिएको छ ।

आज लकडाउनपछिको पहिलो उडान दिल्लीबाट बिहान ४ :४५ बजे पूणेका लागि उडेको थियो । त्यसैगरी मुम्बईबाट ६ :४५ बजे पटनाको लागि यात्रु लिएर उडेको थियो।

भारत सरकारले कोरोनाबाट बच्न विशेष ‘गाइडलाइन्स’ बनाउँदै घरेलु उडान शुरु गरेको हो । एयरपोर्टभित्र मास्क र पञ्जाको प्रयोग अनिवार्य गरिएको छ । हरेक यात्रुले ‘आरोग्य सेतु एप’ डाउनलोड गर्न जरुरी हुन्छ । जसमा यात्रुको सम्पूर्ण डिटेल राखिनेछ । साथै सम्पूर्ण यात्रुलाई १४ दिनसम्म होम क्वारेन्टाइनमा बस्न आग्रह गरिएको छ ।