दिल्लीमा चिकित्सकसहित ४ सय बढी स्वास्थ्यकर्मीमा कोरोना पोजेटिभ
हेल्थ टिभी अनलाइन: भारतको राजधानी दिल्लीमा मात्रै ४ सय बढी स्वास्थ्यकर्मीलाई कोरोना संक्रमण भएको पुष्टि भएको छ । उनीहरु कोरोना संक्रमितको उपचारमा संलग्न रहेको बताइएको छ ।
दिल्लीका स्वास्थ्यमन्त्री सत्येन्द्र जैनले ४ सय बढी स्वास्थ्यकर्मीमा कोरोना पोजेटिभ देखिएको बताएका हुन्। उनले बुधबार भएको पत्रकार सम्मेलनमा दिल्लीका विभिन्न अस्पतालमा काम गर्ने चिकित्सकसहित ४ सय बढी स्वास्थ्यकर्मीमा कोरोना संक्रमण देखिएपछि उनीहरुलाई आइसोलेसनमा राखिएको बताए । भारतमा महाराष्ट्रपछि दिल्लीमा बढी संक्रमित देखिएका छन्।
हालसम्म भारतमा ७८ हजार तीन जनामा कोरोना पुष्टि भएको छ । दिल्लीमा मात्रै ७ हजार ९९८ जनामा संक्रमण देखिएको छ । गत २४ घण्टामा दिल्लीमा ३५९ जनामा कोरोना संंक्रमण देखिएको त्यहाँको स्वास्थ्य मन्त्रालयले जनाएको छ । भारतमा कोरोनाको कारण २५ सय ४९ जनाको मृत्यु भएको जनाइएको छ ।
गुणस्तरीय सेवाको लागि प्रतिबद्ध हुन चिकित्सकहरुलाई स्वास्थ्यमन्त्रीको निर्देशन
स्वास्थ्य मन्त्री उपेन्द्र यादवद्धारा कान्ति बाल अस्पतालको आकस्मिक अनुगमन
नेपालले बालबालिकामा हुने क्यान्सरका ३५ प्रकारका औषधी निःशुल्क प्राप्त गर्ने
पूर्व स्वास्थ्य सचिव डा प्रवीण मिश्रको निधन
एक वर्षमा ३३ लाख बिरामीको आँखा उपचार, ८ लाख विदेशीले लिए सेवा