दिल्लीमा एकै बिल्डिङमा बस्ने ४१ जनामा कोरोना संक्रमण
हेल्थ टिभी अनलाइन\ काठमाडौं: भारतको दिल्लीमा एकै बिल्डिङमा बस्ने ४१ जनामा कोरोना संक्रमण पाइएको छ ।
भारतीय स्वास्थ्य मन्त्रालयका अनुसार दिल्लीको कापसहेड़ामा रहेको एक बिल्डिङमा बस्ने ४१ जनामा कारोना पोजेटिभ पाइएको हो । शुरुमा सो बिल्डिङमा बस्ने एक जनामा ज्वरो आउने, खोकी लाग्ने भएपछि १८ अप्रिलमा कोरोना परीक्षण गरिएको थियो । उनमा कोरोना पोजेटिभ पाइएपछि सो बिल्डिङका ६७ जनको नमुना संकलन गरी परीक्षण गरिएकोमा ४१ जनामा कोरोना पोजेटिभ पाइएको त्यहाँको स्वास्थ्य मन्त्रालयले जनाएको छ ।
४१ जनामा कोरोना संक्रमण देखिएपछि सो बिल्डिङ र वरिपरीका क्षेत्र सिल गरिएको बताइएको छ । भारतमा हालसम्म ३७ हजार ७ सय ७६ जनामा कोरोना पुष्टि भइसकेको छ । यसैगरी १ हजार २ सय २३ जनाको कोरोनाकै कारण ज्यान गइसकेको छ ।
जडीबुटी : नेपालको स्वास्थ्य र समृद्धिको हरित पुँजी
यसकारण खाने गरौं बहुगुणकारी कुरिलो
आत्मदाह प्रयास गरेका गणेश नेपालीको उपचारको क्रममा निधन
६ वटा स्वास्थ्य विज्ञान प्रतिष्ठानमा उपकुलपति नियुक्त
औषधिको सही प्रयोग किन आवश्यक छ ?